48-ാമത് വയലാർ രാമവർമ്മ മെമ്മോറിയൽ (Vayalar Award) സാഹിത്യ അവാർഡ് അശോകൻ ചരുവിലിന്റെ "കാട്ടൂർകടവ് " എന്ന കൃതിക്ക്. ഒരു ലക്ഷം രൂപയും പ്രശസ്ത ശിൽപി കാനായി കുഞ്ഞിരാമൻ രൂപകൽപ്പന ചെയ്ത ശില്പവുമാണ് അവാർഡ്. ശ്രീ. ബെന്ന്യാമിൻ, പ്രൊഫ. കെ രവികുമാർ, ശ്രീമതി. ഗ്രേസി എന്നിവർ അടങ്ങിയ ജഡ്ജിംഗ് കമ്മിറ്റി "കാട്ടൂർകടവ് "എന്ന കൃതിയെ ശുപാർശ ചെയ്യുകയായിരുന്നു. വയലാർ രാമവർമ്മയുടെ ചരമദിനമായ ഒക്ടോബർ 27-ാം തീയതി വൈകിട്ട് 5.00 മണിക്ക് തിരുവനന്തപുരത്ത് സമർപ്പണ ചടങ്ങ് നടത്തുന്നതാണ്.